Kerfin þín tala ekki saman
Við tengjum kerfin sem þú notar svo upplýsingar berist sjálfkrafa á milli þeirra. Minni tvískráning og betri yfirsýn.
Tengjum kerfi, einföldum ferla og smíðum vefi sem nýtast í rekstrinum. Persónulegt samstarf, frá fyrstu hugmynd að lausn.
Tengjum reksturinn saman
Kerfin þín.
Ein heild.
- Bókhald / ERP
- Vöru
upplýsingar - Vefverslun
Samþætting · gögn · sjálfvirkni
- Greiningar og mælaborð
- Gervigreindar
lausnir
01 Þjónusta
Hvað stendur
í vegi fyrir þér?
Við byrjum á vandamálinu og finnum lausn sem hentar rekstrinum þínum. Tæknin kemur þar á eftir. Hér eru nokkur dæmi um það sem við gerum.
Of mikill tími fer í handavinnu
Við sjálfvirknivæðum endurtekin verkefni og einföldum ferla. Fólkið þitt fær meiri tíma í vinnuna sem skiptir máli.
Þú þarft lausn sem fæst ekki úr hillu
Sérsmíðuð kerfi og öpp sem laga sig að þínum rekstri. Við skiljum þörfina og smíðum lausnina með þér í skýrum áföngum.
Gervigreind þarf að nýtast í verki
Við hjálpum þér að finna hvar gervigreind getur sparað tíma og bætt vinnuna. Síðan tengjum við hana við gögn og ferla fyrirtækisins svo hún nýtist í daglegum rekstri.
02 Verkefni
Verkefni
eftir okkur.
Samtök um POTS á Íslandi
Upplýsingavefur með fræðslu um POTS fyrir almenning, fólk með sjúkdóminn og aðstandendur þeirra.
Okkar framlag
Hönnun og smíði upplýsingavefs í samstarfi við stjórn Samtaka um POTS á Íslandi.
Vefurinn er langt kominn í þróun.
Við deilum honum hér þegar hann opnar.
03 Um okkur
Tveir frændur.
Tuttugu ár í faginu.
Við erum Andri og Ólafur, tveir frændur með yfir tuttugu ára samanlagða reynslu í hugbúnaðarþróun. Við útskrifuðumst saman úr tölvunarfræði við Háskólann í Reykjavík árið 2016. Við smíðum lausnir í beinu samstarfi við þig.
260 Software er íslenskt hugbúnaðarfyrirtæki sem smíðar vefi, tengir kerfi og þróar sérsniðnar lausnir. Við byrjum á að skilja reksturinn og þarfirnar, svo lausnin nýtist fólkinu sem vinnur með hana.
Við leggjum áherslu á persónulegt samstarf, skýr samskipti og vandaða vinnu. Hjá okkur vinnur þú beint með þeim sem þróa lausnina, frá fyrsta samtali og í gegnum allt verkefnið.
Við sameinum reynslu okkar og áhuga á að smíða góðar lausnir sem spara tíma og gera daglega vinnu einfaldari.
Andri Fannar Freysson
Meðstofnandi & forritari
Ólafur Helgi Jónsson
Meðstofnandi & forritari
04 Samstarf
Svona vinnum
við saman.
Góð lausn byrjar á góðu samtali. Við skiljum hvað stendur í vegi fyrir þér og finnum leiðina áfram — saman.
-
Við byrjum á að hlusta.
Áður en við tölum um tæknina viljum við skilja reksturinn þinn. Hvað tekur of mikinn tíma? Hvar stoppa hlutirnir? Við ræðum þarfirnar og finnum hvað lausnin þarf að gera til að nýtast þér.
-
Við finnum réttu leiðina.
Stundum þarf nýjan vef eða sérsmíðað kerfi. Stundum nægir að tengja saman það sem þú notar nú þegar. Við leggjum til skýra útfærslu, metum umfangið og ákveðum næstu skref með þér.
-
Við smíðum þetta með þér.
Við þróum í skýrum áföngum og sýnum þér hvernig verkið gengur. Þú prófar, gefur endurgjöf og vinnur beint með okkur. Þannig verður hugmyndin að lausn sem passar við daglega vinnu fólksins þíns.
-
Rekstur.
Við fylgjum lausninni eftir og þróum áfram. Við hjálpum við viðhald og lagfæringar og aðlögum lausnina þegar þarfir rekstursins breytast.
Ræðum verkefnið þitt.
Þú þarft ekki fullbúna verklýsingu. Við skoðum hvaða verkefni sem er með þér, stórt eða smátt. Segðu okkur frá hugmyndinni eða áskoruninni.